Irun - Hondarribia - Hendaye
Museoak eta interpretazio guneak
Bidasoa Txingudi mugaz gaindiko lurraldea ondare- eta kultura-aberastasun handiko ingurune batean dago.
Hendaiako bainu gunearen historia, erromatarren garaiko aztarnak Irunen, Hondarribiko Erdi Aroko hiribildua, Txingudiko paduretako eta Atlantikoko itsasertzeko naturguneak... hiru hirien artean historia eta ingurumena zabaltzeko hainbat gune daude.
Beraz, hemen duzu ikusgai dauden museo eta interpretazio zentro nagusien zerrenda.
Informazio gehiago behar baduzu, gure lurraldeko turismo-bulegoekin harremanetan jartzea gomendatzen dizugu.
Itsasoaren aurrean, Eugène Viollet le Ducek eraiki zuen Gaztelua 1864 eta 1879 artean.
Hondarribiak defentsa garrantzi handia zuenez koroa espainiarrarentzako, bolboraz, buztinez eta gerrarako behar ziren gainerako gauzez hornitzeko agindua eman zuten Errege Katolikoek defentsa sendotu ahal izateko.
Menchu Gal erakusgela margolari irundarraren 30eko hasierako urteetatik 90eko hamarkadara arteko ibilbide artistikoaren erakusketa-gune iraunkorra da.
Irunen aurkitutako erromatarren garaiko hondakinak biltzen ditu museo arkeologiko honek, iturri erromatarrek aipatzen duten antzinako Oiassokoak, hain zuzen ere.
Ama Xantalen Ermita hiriko parte zaharretik hurbil dago oso, izen bereko eremuan, Bidasoa ibaiaren adarra den Estebenea errekaren ertzean, gaurko Irungo hirigunearen ekialdean.